Ի՞նչ է ՊԷՏ/ՀՏ-ն

   ՊԷՏ/ՀՏ-ն ճառագայթային և միջուկային ախտորոշման հիբրիդային մեթոդ է, որը կիրառվում է ռադիոֆարմ պրեպարատների միջոցով։ Այս մեթոդը հնարավորություն է տալիս հայտնաբերել ուռուցքային փոփոխությունները դեռևս վաղ փուլում՝ մինչև դրանց ՀՇ (hամակարգչային շերտագրություն) կամ ՄՌՇ (մագնիսառեզոնանսային շերտագրություն) հետազոտություններով տեսանելի դառնալը։

Ե՞րբ է օգտագործվում ՊԷՏ/ՀՏ -ն

▶ Քաղցկեղի հայտնաբերում և ախտորոշում (թոքի, կրծքագեղձի, մաշկի, գլխուղեղի, լիմֆատիկ համակարգի և այլն),

▶ Քաղցկեղի փուլավորում և մետաստազների գնահատում,

▶ Քաղցկեղի բուժմանը (օրինակ՝ քիմիաթերապիա կամ ճառագայթային թերապիա) արձագանքելու մոնիթորինգ,

▶ Որոշ դեպքերում վարակների կամ բորբոքումների հայտնաբերում:

Ինչպիսի՞ ռադիոֆարմպրեպարատ է կիրառվում ՊԷՏ/ՀՏ հետազոտության համար

«Դիագնոստիկա» բժշկական կենտրոնում կիրառվում է ֆտոր դեզօքսիգլյուկոզա F-18 (ՖԴԳ) ռադիոֆարմ պրեպարատը։ Այն գլյուկոզի անալոգ է, որը պարունակում է ֆտոր-18 (18F) իզոտոպ, և օգտագործվում է մետաբոլիկ ակտիվություն ունեցող հյուսվածքների հայտնաբերման համար։

    Վերը նշված երկու կարևոր պայմանները Հայաստանում հասանելի են միայն «Դիագնոստիկա» բժշկական կենտրոնում։ Քանի որ ՖԴԳ-ի տրոհման ժամանակը 100 րոպե է, այն պետք է օգտագործվի արտադրությունից հետո առավելագույնը մեկ ժամվա ընթացքում՝ առավելագույն ակտիվության պահպանման և հետազոտության բարձր զգայունություն ու ճշգրտություն ապահովելու համար։

Մեր առավելությունները

1. ՖԴԳ-ն արտադրվում է յուրաքանչյուր հետազոտության համար, և հետազոտությունը կատարվում է բարձր գզայունություն ունեցող սարքով (UNITEDIMAGINGuMI550)։
2. ՖԴԳ-ն ներարկվում է նվազագույն քանակությամբ՝ ապահովելով ճառագայթման նվազագույն մակարդակ, ինչը թույլ է տալիս հետազոտությունը իրականացնել առանց ժամանակային սահմանափակումների։
3. ՖԴԳ-ի արտադրության գործընթացը բարդ բազմակոմպոնենտ շղթա է,որը ենթարկվում է խիստ վերահսկողության։ Արտադրությունն ավարտելուց հետո միայն համապատասխան ստուգում անցած նյութն է օգտագործվում հետազոտությանհամար։

Ինչպե՞ս նախապատրաստվել ՊԷՏ/ՀՏ հետազոտությանը

1. Հետազոտությունից մեկ օր առաջ խուսափել ֆիզիկական ծանրաբեռնվածությունից,
2. Սնվել սպիտակուցներով հարուստ սննդամթերքով և սահմանափակելածխաջրերպարունակողսննդամթերքները,
3. Հետազոտությունից առնվազն 6 ժամ առաջ չընդունել սնունդ, սուրճ, թեյ,կոֆեին պարունակող հեղուկներ կամ քաղցր հյութեր (թույլատրվում է միայնսովորականջուր),
4. Հագուստը պետք է լինի հարմարավետ՝ առանց մետաղական դետալների,
5. Հետազոտության համար ներկայացնել անձնագիր, սոցիալականքարտ, էպիկրիզներ և նախկինում կատարված հետազոտությունների սկավառակներ։

Ինչպե՞ս է իրականացվում ՊԷՏ/ՀՏ-ն

1. Հետազոտության ընթացքը տևում է 3 ժամ՝ ներառելով նախապատրաստումը և բուն հետազոտությունը։
2. ՖԴԳ -ի ներարկումից հետո բուժառուն պետք է մնա հանգիստ՝ նստած կամ պառկած վիճակում:
3. Բուն հետազոտությունը կատարվում է պառկած դիրքով՝ ձեռքերը գլխավերևում ծալած, ունի մոտավորապես 20 րոպե տևողություն: