Ներկայումս գերձայնային հետազոտությունը հանդիսանում է բարձր ինֆորմացիոն, անվնաս մեթոդներից մեկը: Այն  մորֆոլոգիական և ֆունկցիոնալ լիարժեք գնահատական  է տալիս հետազոտվող մարդու օրգանիզմի համար: Այդ իսկ պատճառով այն հանդիսանում է ախտորոշման մեջ առաջին քայլը: «Դիագնոստիկա» ԲՄ ռադիոլոգիական կենտրոնի գերձայնային ախտորոշման բաժանմունքը հագեցված է ժամանակակից GE firm 2D,3D սարքավորումներով:
Մեզ մոտ աշխատում են բարձր որակավորում ստացած մասնագետներ, որոնք Հայաստանի այս բնագավառի ակունքներում են կանգնած և անցել են որակավորում ինչպես եվրոպական առաջատար տարբեր կլինիկաներում, այնպես էլ Ռուսաստանի դաշնության  և ունեն բազմաթիվ տարիների մասնագիտական փորձ և  հանդիսանում  են  բժշկական համալսարանի դասախոսներ :

     Բաժանմունքում կատարվում են ԳՁՀ- հետևյալ տեսակները

•  փոքր կոնքի օրգանների և որովայնային հատվածի սոնոգրաֆիա
•  վահանաձև և հարվահանաձև գեղձերի սոնոգրաֆիա
•  թքագեղձի սոնոգրաֆիա
•  փափուկ հյուսվածքների և ենթամաշկային գոյացությունների սոնոգրաֆիա
•  կրծքագեղձի սոնոգրաֆիա
•  լիմֆատիկ հանգույցների սոնոգրաֆիա
•  կանանց փոքր կոնքի օրգանների սոնոգրաֆիա և ֆոլիկուլոմետրիա
•  պարանոցի օրգանների համալիր սոնոգրաֆիա
•  ամորձիների սոնոգրաֆիա
•  տրանսվագինալ սոնոգրաֆիա
•  հոդերի սոնոգրաֆիա

Գերձայնային հետազոտությունը գինեկոլոգիայում թույլ է տալիս հայտնաբերել կանանց վերարտադրողական համակարգի հիվանդությունները վաղ շրջանում մինչև կլինիկական նշանները, ինչը հնարավորություն է տալիս հասնել էֆեկտիվ բուժման արդյունք: Այդ իսկ պատճառով էլ կանանց առողջության պահպանման և ճիշտ ժամանակին բուժումը սկսելու համար խիստ անհրաժեշտ է պրոֆիլակտիկ նպատակով  տարին մեկ անգամ կատարել հետազոտություն: 

Ինչպես բարորակ, այնպես էլ չարորակ նորագոյացությունների վաղ ախտորոշումը և բուժումը հանդիսանում է պացիենտի կյանքի և առողջության պահպանման գրավականը: Ուռուցքաբանին  անհրաժեշտ է  դիմել, եթե նկատում եք 

• հազի հանկարծակի նոպաներ
• գիտակցության կորուստ, հավասարակշռության խախտում
• աղիների և միզապարկի դիսֆունկցիա
• երկարատև չփակվող խոցեր և ճաքեր ցանկացած հատվածում՝ մաշկի, արգանդի վզիկի, շրթունքի վրա
• պիգմենտային լաքաների փոփոխություններ
• ցանկացած տեսակի ոչ սովորական արտադրություն՝ առատ լորձային, թարախային և այլն;
• ցանկացած ուռուցքի առաջացում /լիպոմաներ, պապիլոմաներ, գորտնուկներ/և այլն

Կատարվում են փոքր  վիրաբուժական միջամտություններ՝

• փափուկ հյուսվածքների բարորակ գոյացությունների հեռացում
• պապիլոմաների հեռացում
• պունկցիոն բիոպսիա /մորֆոլոգիական հետազոտությամբ/ կրծքագեղձի, վահանաձև գեղձի, լիմֆատիկ հանգույցների և փափուկ հյուսվածքների նորագոյացությունների:

Օթոլարինգոլոգը մեր կենտրոնում զբաղվում է կոկորդի, քթի, ականջի հիվանդությունների ախտորոշման, բուժման և պրոֆիլակտիկայի հարցերով: Լոռ հիվանդներությունները ունեն բազմատեսակ ախտանշաններ և ընթացք, այդ իսկ պատճառով ճիշտ ախտորոշումը մեծ դեր է խաղում բուժման մեջ: Օթոլարինգոլոգին անհրաժեշտ է դիմել, եթե Ձեզ մոտ առկա է՝

• քթային շնչառության դժվարացում
• ռինորեա /առատ մշտական արտադրություն քթից/
• հոտառության իջեցում
• գլխացավ
• օտալգիա /ցավ ականջներում/
• աղմուկ ականջներում
• ցավ կոկորդում կամ հարքթային խոռոչներում
• հազ
• քոր կոկորդում
• ձայնի փոփոխություն

Կատարվում են  բուժիչ միջամտություններ՝

• ծծմբախցանների հեռացում
• բերանի խոռոչի լորձաթաղանթի և նշիկների մշակում
• լվացում

Էնդոկրինոլոգը զբաղվում է էնդոկրին համակարգի պաթոլոգիայի հայտնաբերմամբ և բուժմամբ ինչպես նաև  հիվանդությունների պրոֆիլակտիկ կանխարգելման հարցերով: Կարգավորում է ներզատիչ գեղձերի` մասնավորապես վահանաձև, հարվահանաձև գեղձերի, ենթաստամոքսային գեղձի, մակերիկամների, ձվարանների և հիպոֆիզի ֆունկցիոնալ խանգարումները:
     Ախտորոշումը իր մեջ պարունակում է լաբորատոր հորմոնալ հետազոտություն էնդոկրին համակարգի օրգանների գործիքային հետազոտություն և արդյունավետ բուժման նշանակում:

     Էնդոկրինոլոգին դիմում են, եթե առկա են՝

• ընդհանուր թուլություն, հոգնածություն, քնկոտություն, հիշողության վատացում, վերջույթների թմրածություն, դեպրեսիվ վիճակ
• մազաթափություն 
• քաշի կտրուկ փոփոխություններ
• անբավարար աճ կամ գերաճ
• պարանոցի ձևի փոփոխություն, կոկորդում սեղման զգացողություն, գրգռվածություն, նյարդայնություն, հուզմունք
• ցավ ոսկրերում, հոդերում, մկաններում, ողնաշարում, մկանային թուլություն, հաճախակի ոսկրային կոտրվածքներ աննշան ֆիզիկական բեռնվածության դեպքում, կծկումներ վերջույթներում
• երկարատև և ծանր ընթացք ունեցող միզաքարային հիվանդություն
• դեղորայքային բուժման դեպքում զարկերակային ճնշման դժվար կանոնավորում
• ծանր ընթացող նախադաշտանային և կլիմատերիկ շրջան

   Հոդերի գերձայնային հետազոտությունը հանդիսանում է մատչելի և ինֆորմատիվ մեթոդ, որը թույլ է տալիս գնահատել ոչ միայն ոսկրային և աճառային, այլ նաև փափուկ հյուսվածքային ստրուկտուրաները, ինչպիսիք են մկանները, ջլերը, կապանները, ինչը բացարձակ հնարավոր չէ ռենտգենյան հետազոտության ժամանակ: Գերձայնային հետազոտությունը թույլ է տալիս վաղ շրջանում հոդերում և փափուկ հյուսվածքային կոմպոնենտներում հայտնաբերել բորբոքային և դեստրուկտիվ փոփոխությունները, որոշել մինիմալ քանակի ազատ հեղուկի առկայությունը հոդի խոռոչում, գնահատել հեղուկի բնույթը: Գերձայնային հետազոտության առավելությունները՝

• ախտորոշումը իրականացվում է ռեալ ռեժիմի պայմաններում, թույլ է տալիս հետազոտել հոդը շարժման ժամանակ
• բարձր զգայնության սարքը արտացոլում է կոլլագենային թելիկների ստրուկտուրան
• ի տարբերություն ռենտգենյան հետազոտության հնարավոր է հոդի խոռոչում հեղուկի հայտնաբերում
• բուժումից հետո գերձայնային հետազոտությունը թույլ է տալիս գնահատել բուժման արդյունավետությունը

Գերձայնային հետազոտության ժամանակ հետազոտում են ուսային, արմնկային, կոնքազդրային, ծնկային, սրունք-թաթային հոդերը, դաստակի հոդերը և կրնկոսկրը:

• սրտի ռիթմի խանգարումների հայտնաբերում օրվա ընթացքում
• վազոսպատիկ ստենոկարդիայի և սրտամկանի անցավ իշեմիայի հայտնաբերում

Գաստրոսկոպիան և կոլոնոսկոպիան կարող են ուղեկցվել նաև մի շարք բուժական և վիրաբուժական միջամտություններով՝ ստամոքսաղիքային համակարգի պոլիպների հեռացում, օտար մարմինների հեռացում, ստամոքսաղիքային արյունահոսությունների դադարեցում, ստամոքսաղիքային տրակտի նեղացումների (ստրիկտուրաների) լայնացում: Այս փոքր միջամտությունները տալիս են հնարավորություն խուսափել որովայնի խոռոչի մեծ վիրահատություններից: Վիրաբուժական էնդոսկոպիայի ցուցումները՝

• ստամոքսի և հաստ աղու պոլիպների հեռացում
• արյունահոսության դադարեցում ստամոքսի, տասներկումատնյա աղու խոցային հիվանդությունների, կերակրափողի երակների   վարիկոզ լայնացումների ժամանակ
• կերակրափողի երակների լայնացման դեպքում էնդոսկոպիկ սկլերոզացում
• ստամոքս աղիքային տրակտի ենթալորձային գոյացությունների հեռացում
• էնդոսկոպիկ պապիլոսֆինկտերոտոմիա
• կերակրափողի ստենտավորում
• օտար մարմինների հեռացում կերակրափողից, ստամոքսից

Էնդոսկոպիան պրակտիկորեն անցավ է, բայց անհրաժեշտության դեպքում կարելի է ցավազրկել (ն/ե նարկոզ): Անզգայացումը կատարվում է ռեանիմատոլոգ-անեսթեզիոլոգի կողմից,  որը տևում է մի քանի րոպե:  

Գաստրոսկոպիա  

Գաստրոսկոպիան  էնդոսկոպիկ հետազոտություն է, որի դեպքում մանրակրկիտ հետազոտվում են կերակրափողի, ստամոքսի, տասներկումատնյա աղու լորձաթաղանթը, երբ կասկածներ կան տվյալ օրգանի բորբոքային, ուռուցքային հիվանդությունների և արյունահոսությունների բարդությունները  պարզելու  համար: Գաստրոսկոպիան ցուցված է նաև որպես լրացուցիչ հետազոտություն այլ հիվանդությունների ախտորոշման հաստատման համար (ալերգիա, նևրոզ):

Կոլոնոսկոպիա

Կոլոնոսկոպիան  կատարվում է հաստ աղու լորձաթաղանթի զննման և մանրամասն հետազոտության նպատակով ներառյալ ուղիղ աղին:
Ախտորոշիչ կոլոնոսկոպիան ցուցված է հետևյալ դեպքերում`

• կանխարգելիչ բուժզննում
• որովայնի ցավեր
• խրոնիկ  լուծ, փորկապություն
• աղիքային արյունահոսություն
• բարորակ և  չարորակ  նորագոյացությունների  ախտորոշում
• ոչ  սպեցիֆիկ  խոցային  կոլիտ,  Կրոնի  հիվանդություն
• նորագոյացությունների  ժառանգական  պատմություն
• հաստ  աղու պոլիպոզ
• հարակից այլ օրգան համակարգերի հիվանդություններ, որոնց համար էական է աղիների պատկերը

Գաստրոսկոպիան և կոլոնոսկոպիան կարող են ուղեկցվել նաև մի շարք բուժական և վիրաբուժական միջամտություններով՝ ստամոքսաղիքային համակարգի պոլիպների հեռացում, օտար մարմինների հեռացում, ստամոքսաղիքային արյունահոսությունների դադարեցում, ստամոքսաղիքային տրակտի նեղացումների (ստրիկտուրաների) լայնացում: Այս փոքր միջամտությունները տալիս են հնարավորություն խուսափել որովայնի խոռոչի մեծ վիրահատություններից:

Պերիֆերիկ անոթների դուպլեքս հետազոտություն խորհուրդ է տրվում կատարել հետևյալ անոթային պաթոլոգիայի նշանների և հայտնաբերված հիվանդությունների դեպքերում `

•  ջղաձգություն
• ցավի և ծանրության զգացողություն վերջույթներում
• թմրածություն
• անոթային աստղիկների առկայություն 
• ենթամաշկային լայնացում
• աթերոսկլերոզ
• շաքարային դիաբետ
• տրոմբոֆլեբիտ
• վարիկոզ հիվանդություն
• թրոմբոզ
• տրոֆիկ խոցեր
• ֆլեբեկտոմիայից առաջ երակների տեղակայման նշում

 Գլխուղեղի մագիստրալ անոթների  դուպլեքս սկանավորումը հանդիսանում է գլխուղեղային արյան շրջանառության պաթոլոգիաների ախտորոշման հիմնական մեթոդներից մեկը: Ցուցումներն են՝

•  սուր /ինսուլտ/ կամ խրոնիկ ցերեբրավասկուլյար անբավարարության կլինիկական նշաններ
•   անհայտ ծագման հաճախակի գլխացավեր
•  լծային երակների պաթոլոգիաների կլինիկական նշաններ /թրոմբոզներ/
•  համակարգային հիվանդների առկայություն, որոնք հանդիսանում են պոտենցիալ պատճառ ուղեղային արյան շրջանառության      խանգարման /շաքարային դիաբետ, զարկերակային հիպերտենզիա, վազկուլիտներ և այլն/
•  անոթների համակարգային ախտահարման ժամանակ այլ զարկերակային բասեյների ախտահարման նշաններ
•  անոթը շրջապատող օրգանների և հյուսվածքների պաթոլոգիաների անոթը ճնշելու հավանականությամբ վիրահատությունների  պլանավորումների դեպքում /սիրտ-անոթային համակարգ, որովայն և փոքր կոնք/

 Որովայնային աորտայի և ստորին սիներակի դուպլեքս սկանավորումը ցուցված է  

•  աթերոսկլերոզի
•  աորտայի անևրիզմայի կասկածի դեպքում
•  չարորակ հիպերտենզիայի դեպքում/հետազոտվում են երիկամային անոթները/

Տրեդմիլ թեստը  սիրտ-անոթային համակարգի հիվանդությունների ախտորոշման ֆունկցիոնալ մեթոդ է, որի ժամանակ կատարվում է ԷԿԳ հետազոտություն ֆիզիկական ծանրաբեռնվածության ժամանակ, հատուկ վազուղու վրա: Թրեդմիլ թեստը կիրառվում է`

• սրտի իշեմիկ հիվանդության հայտնաբերման նպատակով,
• սիրտ-անոթային համակարգի ֆունկցիայի գնահատման նպատակով,
• սրտի ռիթմի խանգարումների հայտնաբերման նպատակով,
• քրոնիկական սրտային անբավարարության ֆունկցիոնալ դասի գնահատման նպատակով,
• դեղորայքային բուժման արդյունավետությունը գնահատելու նպատակով,
• թեստի միջոցով նաև գնահատվում է անձի ֆիզիկական պատրաստվածության աստիճանը,
• Տրեդմիլ թեստի օգնությամբ հետազոտվում են նաև ստենտավորված (3-6 ամիս անց ) և ԱԿՇ (աորտո-կորոնար շունտավորում 6-8 ամիս անց) իրականացված պացիենտները՝ կորոնար արյան շրջանառության գնահատման նպատակով:

Կատարվում է ակնահատակի հետազոտում, ակնահատակի ճնշման և տեսողության սրության որոշում, պերիմետրիա։

Նյարդամկանային համակարգի հետազոտման մեթոդ է,  որը կատարվում է պերիֆերիկ նյարդերի, ներվարմատների, մկանների, ողնուղեղի ախտահարման ախտորոշման համար, որոշվում է ախտահարման մակարդակը և աստիճանը: Ախտորոշման համար որոշիչ  և տարբերակիչ նշանակություն ունի  շարժողական այն խանգարումների դեպքում, որոնք ունեն կենտրոնական ծագում ՝ տիկեր, Պարկինսոնի հիվանդություն և այլն: Մեթոդը թույլ է տալիս

• որոշել պերիֆերիկ նյարդերի ախտահարման տեղակայուն ընթացքը
•  որոշել նյարդային թելիկներով իմպուլսի անցման արագությունները
• գնահատել մկանային կծկումները ի պատասխան էլեկտրական իմպուլսով գրգռման 
• պերիֆերիկ նյարդերի,ներվարմատների ախտահարում
• ողնուղեղի ախտահարում
• մկանների ախտահարում

• հազ
• ծխողի հազ /խորխի առկայությամբ/
• հևոց հանգիստ վիճակում
• հևոց թույլ ֆիզիկական ծանրաբեռնվածության ժամանակ
• հևոց դժվարացած արտաշնչումներով
• խեղդոց
• ճնշման զգացողություն կրծքավանդակում
• ցավոտ շնչառություն
• ասթմատիկ ստատուս
• պուլսի հաճախացում

Էխոէլեկտրոէնցեֆալոգրաֆիան գլխուղեղի հետազոտման ոչ ինվազիվ մեթոդ է: Այս մեթոդի հիմնական առավելությունը կայանում է նրանում, որ տալիս է հնարավորություն արագ ախտորոշել այն հիվանդությունները, որոնք բերում են ներգանգային կառուցվածքների տեղաշարժման, նաև հանդիսանում է սկրինինգային միջոց գլխուղեղի ծավալային գոյացությունների, հիպերտենզիոն սինդրոմի նախնական ախտորոշման համար: Թույլ է տալիս բարձր ճշգրտությամբ տարբերակել էպիլեպսիան այլ պաթոլոգիական վիճակներից: Հետազոտվում է կենտրոնական նյարդային համակարգի ֆունկցիան, ախտորոշվում է գլխուղեղի օրգանական ախտահարումները, նյարդային համակարգի ֆունկցիոնալ խանգարումները: